Претходна статија
Скопските „Бетон“ и „Гранит“ со зголемена добивка во 2013 годинаСледна статија
Наместо пет, Штип ќе добие две паркинг платформи на Отиња
Ќе се ревитализира црквата „Свети Ѓорѓи“ во Старо Нагоричане
Министерката за култура Елизабета Канческа – Милевска, шефот на Делегацијата на ЕУ во Скопје Аиво Орав и директорот на Националниот конзерваторски центар Мемет Селмани денеска го претставија проектот за конзервација и ревитализација на црквата „Свети Ѓорѓи“ во Старо Нагоричане, Кумановско. Во изминатиов период беше комплетирана тендерската документација, која се однесуваше на изработката на архитектонските планови, геодетските и геолошките истражувања. Завршена е тендерската постапка и избрана е фирма што ќе ги реализира работите. Во рамките на овој проект, влегува и изведбата на градежни работи на плоштадот во селото, адаптација на старата училишна зграда во етнолошки музеј и партерно уредување на целокупниот простор.
За реализација на проектот се обезбедени вкупно 1.422.000 евра, од кои, средствата од ИПА – фондовите на Европската унија изнесуваат 1.166.000 евра, додека националното кофинансирање изнесува 256.000 евра. Зафатот треба да биде завршен во втората половина на 2015 година. Црквата „Свети Ѓорѓи“ е изградена во 1313 година врз темелите на постар сакрален објект од XI век од страна на Роман IV Диоген и истата претставува еден од најзначајните културно – историски споменици во Македонија.
Ќе се ревитализира црквата „Свети Ѓорѓи“ во Старо Нагоричане
Министерката за култура Елизабета Канческа – Милевска, шефот на Делегацијата на ЕУ во Скопје Аиво Орав и директорот на Националниот конзерваторски центар Мемет Селмани денеска го претставија проектот за конзервација и ревитализација на црквата „Свети Ѓорѓи“ во Старо Нагоричане, Кумановско. Во изминатиов период беше комплетирана тендерската документација, која се однесуваше на изработката на архитектонските планови, геодетските и геолошките истражувања. Завршена е тендерската постапка и избрана е фирма што ќе ги реализира работите. Во рамките на овој проект, влегува и изведбата на градежни работи на плоштадот во селото, адаптација на старата училишна зграда во етнолошки музеј и партерно уредување на целокупниот простор.
За реализација на проектот се обезбедени вкупно 1.422.000 евра, од кои, средствата од ИПА – фондовите на Европската унија изнесуваат 1.166.000 евра, додека националното кофинансирање изнесува 256.000 евра. Зафатот треба да биде завршен во втората половина на 2015 година. Црквата „Свети Ѓорѓи“ е изградена во 1313 година врз темелите на постар сакрален објект од XI век од страна на Роман IV Диоген и истата претставува еден од најзначајните културно – историски споменици во Македонија.
