Тетово ќе добие нов трговски центар

„Спендстор“ е името на трговскиот центар кој ќе профункционира во објектот на поранешната фабрика за чевли „Мишка“ во Тетово, покрај булеварот Видое Смилевски – Бато. Објектот со основа од 8.000 метри квадратни во моментов е подложен на опсежна реконструкција и преадаптација, а проектот го изработи Проф. Д-р Владимир Арсовски д.и.а. Градежните активности се отпочнати пред три месеци и во тек е работа на бетонската платформа, електричната инсталација и канали за климатизација.

„Спендстор“ ќе има повеќе од 70 локали распоредени на два ката и нето површина од 8.500 метри квадратни. Објектот исто така ќе содржи мини хотел со 500 метри квадратни, ресторан со 1.100 метри квадратни и со дворно место од 2.000 метри квадратни, како и голема винарија на површина од 200 метри квадратни во подрумскиот дел. Предвиден е паркинг за 400 возила. Инвестицијата се реализира во соработка со Шпаркасе банката, преку која ќе бидат достапни и поволни кредити за купување на локали во „Спендстор“. Отварање на центарот се планира во периодот помеѓу 1 и 15 април годинава.

Форумска дискусија за овој проект » овде