Ставена во функција 110 kV разводна постројка во ТС „Петровец“

Од денеска е пуштена во употреба новата 110 киловолтна разводна постројка преку која трансформаторската станица „Петровец“ директно се поврзува на националниот електроенергетски систем. Во проектот се вложија над 1 милион евра, финансиски средства на МЕПСО. Со постројката ќе се подобри доверливоста на електроенергетскиот систем, напонските прилики и снабдувањето со електрична енергија во четири општини од овој дел на скопскиот регион. Државната компанија во изминатите шест месеци инвестираше во изградба на неопходната инфраструктура во трафостаницата „Петровец“. Инсталираната опрема е од германската компанија „Сименс“.

Со проектот се овозможува стабилизирање на напонските прилики и ефикасно снабдување со електрична енергија за жителите на општина Петровец, но и решавање на проблемот со обезбедување електрична енергија за мултифункционалната зона „Ќојлија“. МЕПСО во текот на оваа и наредните години треба да изведе неколку значајни проекти во вредност од преку 65 милиони евра.