Поставени 10 паркиралишта за велосипеди во центарот на Скопје

Како дел од активностите на Европската недела на мобилност 2017, Градот Скопје постави 10 паркиралишта за велосипеди коишто се монтирани на две локации во центарот на градот – пред Судската палата и кај крстосницата меѓу улиците Македонија и Даме Груев. На двете локации се поставени по пет паркиралишта за велосипеди кои се изработени од метална конструкција, со профили, и означени со грбот на Град Скопје.

*Извор на фотографија: Град Скопје

Од Град Скопје информираат дека овој проект се реализира во соработка со невладините организации „Македонски зелен центар“ и „Прв до врв“.