Претходна статија
Се кројат нови планови за Коридорот 8Следна статија
За четири месеци Штип ќе има нов плоштад
Пад во товарниот, раст во патничкиот сообраќај
Според податоците на Државниот завод за статистика, во третото тримесечје од 2011 година е забележано намалување на количеството на превезена стока во товарниот патен и железнички сообраќај, но и истовремено зголемување на бројот на превезени патници во патничкиот, градско – приградскиот и воздухопловниот превоз. Во периодот од јули до септември оваа година, количеството на превезена стока во товарниот патен сообраќај е намалено за 33,6%, во товарниот железнички сообраќај за 14,3%, а единствено зголемување од 6,3% е забележано кај товарниот воздухопловен превоз.
Статистичките податоци покажуваат дека бројот на превезени патници во патниот патнички сообраќај изнесува 3.841.000, во железничкиот сообраќај изнесува 352.000, во градско – приградскиот превоз е 13.585.000, додека со авион патувале 298.550 патници. Автобусот и понатаму претставува најкористеното превозно средство за македонските граѓани, па така за 12,1% е зголемен бројот на превезени патници во третото тримесечје од 2011 година во однос на идентичниот период од минатата година, а особено забележителен пораст од 79% бележи меѓународниот патнички превоз.
Македонските аеродроми во континуитет бележат стабилен пораст во превозот на патници и стока. Во летниот период воздухопловниот патнички превоз е зголемен за 17,8% во однос на истиот период лани, но истовремено е забележан и пораст од 51,5% во бројот на патници во третото тримесечје од 2011 година во споредба со периодот април – јуни од истата година. Железничкиот патнички сообраќај во идентичниот период бележи намалување од 7,1% во бројот на патници, а особено изразит е падот во меѓународниот железнички превоз од 50%.
Бојан Блажевски
Пад во товарниот, раст во патничкиот сообраќај
Според податоците на Државниот завод за статистика, во третото тримесечје од 2011 година е забележано намалување на количеството на превезена стока во товарниот патен и железнички сообраќај, но и истовремено зголемување на бројот на превезени патници во патничкиот, градско – приградскиот и воздухопловниот превоз. Во периодот од јули до септември оваа година, количеството на превезена стока во товарниот патен сообраќај е намалено за 33,6%, во товарниот железнички сообраќај за 14,3%, а единствено зголемување од 6,3% е забележано кај товарниот воздухопловен превоз.
Статистичките податоци покажуваат дека бројот на превезени патници во патниот патнички сообраќај изнесува 3.841.000, во железничкиот сообраќај изнесува 352.000, во градско – приградскиот превоз е 13.585.000, додека со авион патувале 298.550 патници. Автобусот и понатаму претставува најкористеното превозно средство за македонските граѓани, па така за 12,1% е зголемен бројот на превезени патници во третото тримесечје од 2011 година во однос на идентичниот период од минатата година, а особено забележителен пораст од 79% бележи меѓународниот патнички превоз.
Македонските аеродроми во континуитет бележат стабилен пораст во превозот на патници и стока. Во летниот период воздухопловниот патнички превоз е зголемен за 17,8% во однос на истиот период лани, но истовремено е забележан и пораст од 51,5% во бројот на патници во третото тримесечје од 2011 година во споредба со периодот април – јуни од истата година. Железничкиот патнички сообраќај во идентичниот период бележи намалување од 7,1% во бројот на патници, а особено изразит е падот во меѓународниот железнички превоз од 50%.
Бојан Блажевски
