Отворена изложбата „Архитектонски илустрации“ на Зоран Кардула

Во рамките на XIX Биенале на македонската архитектура (БИМАС), во Музејот на град Скопје вчера вечер беше отворена изложбата „Архитектонски илустрации“ на македонскиот графички дизајнер Зоран Кардула. На изложбата се изложени илустрации на дел од бруталистичките објекти изградени во Скопје по земјотресот од 1963 година, споменикот Македониум во Крушево и дел од спомениците од Народно – ослободителната борба изведени на територијата на нашата земја. Изложбената поставка ќе биде отворена за сите посетители за време на одржувањето на БИМАС, при што влезот во Музејот на град Скопје е бесплатен. Зоран Кардула годинава беше избран за автор на плакатот и брошурата на овогодинешното издание на БИМАС.