Претходна статија
Финишира надградбата на булеварот СрбијаСледна статија
Отворен е за сообраќај патот Битола - Ресен
ОСВРТ: Ужасна неповрзаност на балканските метрополи
Патувањето со воз, авион или автобус меѓу балканските главни градови претставува лош потег поради ужасната поврзаност на балканските метрополи.
Според важечкиот возен ред, единствената железничка поврзаност на Скопје е со Белград, Приштина и Солун. Иако најавени со возниот ред за 2010 година, курсните вагони за Сараево и Љубљана воопшто не сообраќаат од Скопје, па поради тоа е неопходно преместување во друг воз за пристигнување во главните градови на БиХ, Хрватска и Словенија. Главниот град на Република Македонија не е поврзан со воз ниту со Тирана и Софија поради неизградениот Коридор 8, а недостига и железничка врска со Атина и Истанбул. За патување кон главниот град на Грција и најголемиот европски град потребно е да се промени воз на железничката станица во Солун.
Слично на железничкиот сообраќај, патувањето со авион е оневозможено кон градовите Сараево, Букурешт и Тирана. За патување кон овие градови со авион е потребно да промените авион на некој од аеродромите во поголемите балкански градови.
Најкритична е поврзаност на Скопје со главните градови на Грција и БиХ. Од Скопје не е воспоставен железнички, авионски и автобуски сообраќај кон Атина, а единствената врска е возот за Солун и преместување во друг воз на железничката станица во Солун. Неодамна е укината и авионската линија Сараево – Скопје – Сараево, не сообраќа воз на релацијата Скопје – Сараево, а единствената врска со главниот град на БиХ е автобуската линија која функционира само еднаш во неделата.
Катастрофалната поврзаност на Скопје со останатите балкански метрополи не претставува исклучок. Албанија е целосно железнички изолирана, а не постои ниту железничка врска помеѓу Хрватска и Црна Гора. По речиси две децении, оваа година се возобнови железничкиот сообраќај помеѓу Белград и Сараево, а единствената поврзаност на Атина со европските градови е експресниот воз „Романија“ кој сообраќа на релацијата Букурешт – Софија – Атина.
Ужасната поврзаност на балканските главни градови е пречка за патување 
на граѓаните од балканските држави. Остварувањето на приходи од туризмот, вложувањето на нови инвестиции во државите и идејата за Балкан без граници е невозможно да се оствари без редовен и чест железнички, авионски и автобуски сообраќај. Посебна потешкотија се јавува кај странските туристи желни да го истражат Балканскиот полуостров кои не се навикнати на неколкукратни преместувања во возови и авиони за да се стигне до посакуваната дестинација.
Бојан Блажевски
ОСВРТ: Ужасна неповрзаност на балканските метрополи
Патувањето со воз, авион или автобус меѓу балканските главни градови претставува лош потег поради ужасната поврзаност на балканските метрополи.
Според важечкиот возен ред, единствената железничка поврзаност на Скопје е со Белград, Приштина и Солун. Иако најавени со возниот ред за 2010 година, курсните вагони за Сараево и Љубљана воопшто не сообраќаат од Скопје, па поради тоа е неопходно преместување во друг воз за пристигнување во главните градови на БиХ, Хрватска и Словенија. Главниот град на Република Македонија не е поврзан со воз ниту со Тирана и Софија поради неизградениот Коридор 8, а недостига и железничка врска со Атина и Истанбул. За патување кон главниот град на Грција и најголемиот европски град потребно е да се промени воз на железничката станица во Солун.
Слично на железничкиот сообраќај, патувањето со авион е оневозможено кон градовите Сараево, Букурешт и Тирана. За патување кон овие градови со авион е потребно да промените авион на некој од аеродромите во поголемите балкански градови.
Најкритична е поврзаност на Скопје со главните градови на Грција и БиХ. Од Скопје не е воспоставен железнички, авионски и автобуски сообраќај кон Атина, а единствената врска е возот за Солун и преместување во друг воз на железничката станица во Солун. Неодамна е укината и авионската линија Сараево – Скопје – Сараево, не сообраќа воз на релацијата Скопје – Сараево, а единствената врска со главниот град на БиХ е автобуската линија која функционира само еднаш во неделата.
Катастрофалната поврзаност на Скопје со останатите балкански метрополи не претставува исклучок. Албанија е целосно железнички изолирана, а не постои ниту железничка врска помеѓу Хрватска и Црна Гора. По речиси две децении, оваа година се возобнови железничкиот сообраќај помеѓу Белград и Сараево, а единствената поврзаност на Атина со европските градови е експресниот воз „Романија“ кој сообраќа на релацијата Букурешт – Софија – Атина.
Ужасната поврзаност на балканските главни градови е пречка за патување на граѓаните од балканските држави. Остварувањето на приходи од туризмот, вложувањето на нови инвестиции во државите и идејата за Балкан без граници е невозможно да се оствари без редовен и чест железнички, авионски и автобуски сообраќај. Посебна потешкотија се јавува кај странските туристи желни да го истражат Балканскиот полуостров кои не се навикнати на неколкукратни преместувања во возови и авиони за да се стигне до посакуваната дестинација.
Бојан Блажевски
