Нови три милиони евра од ЕБОР за мали хидроелектрани

Европската банка за обнова и развој и додели заем на домашната „Хидро енерџи груп“ (ХЕГ) во вредност од три милиони евра. Со него ќе биде финансирана изградбата на три мали хидроелектрани во западниот дел на Македонија. Хидроелектраните ќе имаат вкупен инсталиран капацитет од 3,73 мегавати и во просек ќе произведуваат околу 10 гигават часови електрична енергија на годишно ниво. Ова е трет заем на ЕБОР доделен на приватниот сектор во Македонија за инвестиции во енергетски капацитети обезбеден преку директната кредитна линија за инвестиции во одржливи извори на енергија во Западен Балкан.