На продажба ќе одат 23 државни локации

Министерството за транспорт и врски планира до крајот на декември да понуди на продажба 23 локации државно градежно земјиште. На листата доминираат локации за катни гаражи во Скопје, и хотели во Скопје и Охрид. Се нудат и локации за спортско-рекреативни центри, едната покрај Вардар во близина на американската амбасада, а другата е за голф терени близу Петровец, со површина од 90 хектари. Покрај ова ќе се продава и локација за деловен објект спроти соборниот храм „Св. Климент Охридски“. На листата фигурира и земјиштето предвидено за изградба на „облакодери “ во општина Аеродром. Продажбата ќе се одвива преку јавна лицитација. Некои од локациите веќе беа нудени, но безуспешно.