Претходна статија
Обновата на Струмичкиот театар ќе финишира догодинаСледна статија
Продолжува обновата на фасадите во Старата скопска чаршија
Двојно зголемен бројот на предвидени станови за градење во мај
Огромен пораст на издадените одобренија за градење на нови станови во текот на мај 2016 година. Според податоците на Државниот завод за статистика, во извештајниот период е предвидена изградба на 750 станови, со вкупна корисна површина од 63.183 метри квадратни. Споредено со петтиот месец од 2015 година, бројот на предвидени станови за градење е зголемен за 225,9%, додека површината на истите пораснала за 219,8%. Деловните субјекти од градежниот сектор добиле одобренија за градење на 410 станови со површина од 30.505 метри квадратни, додека останатите живеалишта е предвидено да ги градат физички лица.
Вообичаено за македонскиот пазар, инвеститорите во овој вид недвижности се интересираат првенствено за изградба на двособни и трисобни станови. Во мај 2016 година биле издадени градежни дозволи за изведба на 256 живеалишта со три соби и за 198 двособни станови. Од аспект на региони, најмногу станови за градење биле предвидени во југоисточниот регион – вкупно 358 на број. На ниво на локални самоуправи, општина Струмица во мај 2016 година издала најмногу одобренија за градење на станови (339), а по неа следуваат општина Кисела Вода со 164 и општина Куманово со 35 предвидени станови за градење.
Во согласност со информациите од Државниот завод за статистика, во мај 2016 година се издадени 292 одобренија за градење, што е за 57% повеќе во однос на истиот месец од претходната година. Предвидената вредност на објектите изнесува 4.970.915 илјади денари, што е за 13% повеќе во однос на идентичниот период лани. Од вкупниот број на издадени одобренија за градење, 163 (55,8%) се наменети за објекти од високоградба, 33 (11,3%) за објекти од нискоградба и 96 (32,9%) за објекти за реконструкција. Од вкупно 292 објекти, на 182 (62,3%) како инвеститори се јавуваат физички лица, а на 110 (37,7%) објекти инвеститори се деловни субјекти.
Бојан Блажевски
bojan.blazevski@build.com.mk
Двојно зголемен бројот на предвидени станови за градење во мај
Огромен пораст на издадените одобренија за градење на нови станови во текот на мај 2016 година. Според податоците на Државниот завод за статистика, во извештајниот период е предвидена изградба на 750 станови, со вкупна корисна површина од 63.183 метри квадратни. Споредено со петтиот месец од 2015 година, бројот на предвидени станови за градење е зголемен за 225,9%, додека површината на истите пораснала за 219,8%. Деловните субјекти од градежниот сектор добиле одобренија за градење на 410 станови со површина од 30.505 метри квадратни, додека останатите живеалишта е предвидено да ги градат физички лица.
Вообичаено за македонскиот пазар, инвеститорите во овој вид недвижности се интересираат првенствено за изградба на двособни и трисобни станови. Во мај 2016 година биле издадени градежни дозволи за изведба на 256 живеалишта со три соби и за 198 двособни станови. Од аспект на региони, најмногу станови за градење биле предвидени во југоисточниот регион – вкупно 358 на број. На ниво на локални самоуправи, општина Струмица во мај 2016 година издала најмногу одобренија за градење на станови (339), а по неа следуваат општина Кисела Вода со 164 и општина Куманово со 35 предвидени станови за градење.
Во согласност со информациите од Државниот завод за статистика, во мај 2016 година се издадени 292 одобренија за градење, што е за 57% повеќе во однос на истиот месец од претходната година. Предвидената вредност на објектите изнесува 4.970.915 илјади денари, што е за 13% повеќе во однос на идентичниот период лани. Од вкупниот број на издадени одобренија за градење, 163 (55,8%) се наменети за објекти од високоградба, 33 (11,3%) за објекти од нискоградба и 96 (32,9%) за објекти за реконструкција. Од вкупно 292 објекти, на 182 (62,3%) како инвеститори се јавуваат физички лица, а на 110 (37,7%) објекти инвеститори се деловни субјекти.
Бојан Блажевски
bojan.blazevski@build.com.mk
