Претходна статија
Нов обид за касарната „Илинден“ да се претвори во атрактивна локација за живеењеСледна статија
Утре отворање на архитектонската изложба „Загрозени видови“
Булеварот „Никола Карев“ во иднина ќе се продолжи кон обиколницата
Идниот скопски булевар што ќе се поврзе на планираниот автопат Скопје – Блаце би имал 4 сообраќајни ленти и би се протегал во должина од 4 километри. Станува збор за булеварот „Никола Карев“, кој во иднина би се продолжил од постојната раскрсница кај Момин поток и би се движел кон северозапад како алтернатива на Јадранската магистрала. Градот Скопје денеска ги презентираше физибилити студијата и идејниот проект за идната траса на овој булевар, на потегот од раскрсницата со булеварот „Словенечка“ до обиколницата.
*Извор на фотографија: Град Скопје
Како што информираат од Град Скопје, во идејниот проект се понудени три варијанти за идната транзитна магистрала, при што за најповолна е оценета варијантата со која не се урива постојниот железнички натпатник пред индустриската зона Визбегово. Со продолжувањето на булеварот „Никола Карев“ кон скопската обиколница ќе се изградат пешачки и велосипедски патеки на трасата, а предвидена е изведба и на кружен тек пред обиколницата.
Физибилити – студијата и идејниот проект за булеварот „Никола Карев“ беа изготвени од компанијата „ГЕИНГ Кребс унд Кифер“. Градот Скопје паралелно работи и на основниот и инфраструктурниот проект за реконструкција на булеварот „Никола Карев“ на потегот од улицата „Самоилова“ до клучката кај Момин Поток. Воедно, лани беше реализиран и тендер за изработка на физибилити – студија и инфраструктурен проект за идна клучка, која што би се градела на местото на постојната раскрсница со улицата „Скупи“ и булеварот „8 – ми септември“, односно би понудила решение за делот од Момин Поток до раскрсницата со булеварот „Словенечка“.
Булеварот „Никола Карев“ во иднина ќе се продолжи кон обиколницата
Идниот скопски булевар што ќе се поврзе на планираниот автопат Скопје – Блаце би имал 4 сообраќајни ленти и би се протегал во должина од 4 километри. Станува збор за булеварот „Никола Карев“, кој во иднина би се продолжил од постојната раскрсница кај Момин поток и би се движел кон северозапад како алтернатива на Јадранската магистрала. Градот Скопје денеска ги презентираше физибилити студијата и идејниот проект за идната траса на овој булевар, на потегот од раскрсницата со булеварот „Словенечка“ до обиколницата.
*Извор на фотографија: Град Скопје
Како што информираат од Град Скопје, во идејниот проект се понудени три варијанти за идната транзитна магистрала, при што за најповолна е оценета варијантата со која не се урива постојниот железнички натпатник пред индустриската зона Визбегово. Со продолжувањето на булеварот „Никола Карев“ кон скопската обиколница ќе се изградат пешачки и велосипедски патеки на трасата, а предвидена е изведба и на кружен тек пред обиколницата.
Физибилити – студијата и идејниот проект за булеварот „Никола Карев“ беа изготвени од компанијата „ГЕИНГ Кребс унд Кифер“. Градот Скопје паралелно работи и на основниот и инфраструктурниот проект за реконструкција на булеварот „Никола Карев“ на потегот од улицата „Самоилова“ до клучката кај Момин Поток. Воедно, лани беше реализиран и тендер за изработка на физибилити – студија и инфраструктурен проект за идна клучка, која што би се градела на местото на постојната раскрсница со улицата „Скупи“ и булеварот „8 – ми септември“, односно би понудила решение за делот од Момин Поток до раскрсницата со булеварот „Словенечка“.
