Се нуди земјиште за станбени згради во Штип

На продажба одат девет државни парцели наменети за колективно домување, лоцирани во штипската населба „Сењак 4“. Големината на парцелите се движи од 765 до 1.885 метри квадратни, а вкупната површина изнесува 11.777 метри квадратни. Реонот е опфатен со урбанистички план донесен уште во далечната 1982 година. Продажбата ќе се одвива по пат на јавно наддавање кое е закажано на 30.12.2010, а пријави може да се доставуваат најдоцна до 23.12.2010. Почетната цена е утврдена на 1.400 денари за метар квадратен. Заинтересираните треба да уплатат стандарден депозит во висина од 10% од износот на почетната цена.