На продажба парцели за станбени згради во Струмица

Државно градежно земјиште во Струмица, предвидено за домување во станбени згради, ќе се продава на јавно наддавање закажано за 26.11.2010. Почетната цена изнесува 2.300 денари за метар квадратен. Се работи за четири градежни парцели зацртани во Детален урбанистички план за урбан блок 36 и дел од урбан блок 37, усвоен на 29.07.2010. Парцелите се со големина од 21.941, 16.487, 14.190 и 13.050 метри квадратни. Пријавите за учество можат да се доставуваат до Министерството за транспорт и врски најдоцна до 22.11.2010, а депозитот е утврден на 10% од почетната цена.