Претходна статија
Велес изработи проект за нов објект на библиотекатаСледна статија
Со 48,6 милиони денари ќе се реконструират осум училишни објекти низ земјава
Магистралните гасоводи ќе бидат пуштени во употреба во 2019 и 2020 година
Интензивно се градат трите магистрални гасоводи низ Македонија. Во јануари, или најдоцна до февруари 2019 година, ќе биде пуштен во употреба гасоводот Штип – Неготино долг 36 километри. Министерот за транспорт и врски Горан Сугарески и директорот на МЕР Бајрам Реџепи денеска извршија увид во градежните работи на локацијата каде што во моментов се гради главната мерно – регулациона станица во Неготино. На овој објект во моментов се изведуваат градежни и машински работи, со што ќе се создадат предуслови за пуштање во употреба на овој магистрален гасовод. Досега се завршени над 90% од работите на оваа траса.
*Извор на фотографии: Влада на Р.М.
Со непречено темпо се одвива и изградбата на магистралниот гасовод Неготино – Кавадарци – Прилеп – Битола, со должина од 92 километри. На овој потег се завршени над 40% од градежните работи на проектот, така што е создадена можност во првиот квартал од 2020 година да протече природен гас и кон Пелагонискиот регион. Директорот Бајрам Реџепи посочи дека продолжува изградбата и на магистралниот гасовод Скопје – Тетово – Гостивар, каде што досега се завршени околу 35% од зацртаните градежни работи.
Очекувањата на надлежните органи се до крајот на 2019 година, или во првиот квартал од 2020 година, да се пушти во употреба и магистралниот гасовод меѓу Скопје и Гостивар. Директорот на МЕР Бајрам Реџепи појасни дека веќе е изработена физибилити студијата за изведба на интерконекцискиот вод кон Република Грција, со што Македонија во иднина би имала можност да купува природен гас од повеќе извори. „Веќе е аплицирано до ВБИФ за грант за градба. При крај се преговорите со европски финансиски институции за финансирање на оваа делница“, изјави директорот Реџепи. Токму главната мерно – регулациона станица во Неготино ќе биде главниот јазол, од каде ќе поаѓаат магистралните гасоводи во правец кон Грција и Битола.
„Гасификацијата е приоритет на Владата, за кој за следната година во буџетот на Министерството за транспорт и врски се предвидени 1 милијарда и 557 милиони денари, со цел да се заврши изградбата во најбрз можен рок и сите граѓани и компании да ги почувствуваат неколкукратните придобивки од гасот“, посочува министерот Горан Сугарески.
Магистралните гасоводи ќе бидат пуштени во употреба во 2019 и 2020 година
Интензивно се градат трите магистрални гасоводи низ Македонија. Во јануари, или најдоцна до февруари 2019 година, ќе биде пуштен во употреба гасоводот Штип – Неготино долг 36 километри. Министерот за транспорт и врски Горан Сугарески и директорот на МЕР Бајрам Реџепи денеска извршија увид во градежните работи на локацијата каде што во моментов се гради главната мерно – регулациона станица во Неготино. На овој објект во моментов се изведуваат градежни и машински работи, со што ќе се создадат предуслови за пуштање во употреба на овој магистрален гасовод. Досега се завршени над 90% од работите на оваа траса.
*Извор на фотографии: Влада на Р.М.
Со непречено темпо се одвива и изградбата на магистралниот гасовод Неготино – Кавадарци – Прилеп – Битола, со должина од 92 километри. На овој потег се завршени над 40% од градежните работи на проектот, така што е создадена можност во првиот квартал од 2020 година да протече природен гас и кон Пелагонискиот регион. Директорот Бајрам Реџепи посочи дека продолжува изградбата и на магистралниот гасовод Скопје – Тетово – Гостивар, каде што досега се завршени околу 35% од зацртаните градежни работи.
Очекувањата на надлежните органи се до крајот на 2019 година, или во првиот квартал од 2020 година, да се пушти во употреба и магистралниот гасовод меѓу Скопје и Гостивар. Директорот на МЕР Бајрам Реџепи појасни дека веќе е изработена физибилити студијата за изведба на интерконекцискиот вод кон Република Грција, со што Македонија во иднина би имала можност да купува природен гас од повеќе извори. „Веќе е аплицирано до ВБИФ за грант за градба. При крај се преговорите со европски финансиски институции за финансирање на оваа делница“, изјави директорот Реџепи. Токму главната мерно – регулациона станица во Неготино ќе биде главниот јазол, од каде ќе поаѓаат магистралните гасоводи во правец кон Грција и Битола.
„Гасификацијата е приоритет на Владата, за кој за следната година во буџетот на Министерството за транспорт и врски се предвидени 1 милијарда и 557 милиони денари, со цел да се заврши изградбата во најбрз можен рок и сите граѓани и компании да ги почувствуваат неколкукратните придобивки од гасот“, посочува министерот Горан Сугарески.
