Поставен споменик на Свети Климент Охридски спроти Соборниот храм

После неколкунеделни подготвителни работи, вчера беше поставен споменик на Свети Климент Охридски во средишното зеленило на истоимениот булевар, спроти Соборниот храм во Скопје. Денес се работеше на постаментот кој е обложен со црн мермер. Споменикот е дело на академик Томе Серафимовски. Изработен е од бронза и чини 185 илјади евра. Споменичната скулптура е висока 4,5 метри, а е поставена на постамент висок 1,2 метри. Свечено откривање е најавено за наредната недела.