Субвенции за пренамена на стари селски куќи во туристички апартмани

Со финансиска поддршка од државниот буџет ќе се субвенционираат реконструктивни зафати за оние граѓани кои планираат старите селски куќи да ги пренаменат во туристички апартмани. Сопствениците на објектите ќе добијат надоместок на потрошените средства до 60% од трошоците за оваа намена, но не повеќе од 3.000 евра по апликант. Јавниот оглас ќе објавен во текот на фебруари, додека доделувањето на субвенциите ќе се одвива по принципот „прв дојден, прв услужен“. Финансиските средства ќе се доделат по поднесување на барање од заинтересираните лица, заедно со докажаните трошоци за зафатот.

Со средствата за реконструкција на селските куќи ќе мора да се уреди објектот во согласност со традицијата на регионот во кој се наоѓа, како и да се служи храна вообичаена за тоа подрачје. Целта на проектот е да се подобри туристичката понуда и да се развие руралниот туризам, кој е интерес за странските посетители. Државата годинава ќе го субвенционира брендирањето и доуредувањето на угостителските објекти во земјава, за кои е предвиден поврат на средствата до 60% од вкупните трошоци или до 2.000 евра по објект.