Претходна статија
ФОТО ВЕСТ: Во Градскиот парк се најде место и за фудбалска академијаСледна статија
Пуштен во употреба блокот Б од студентскиот дом „Гоце Делчев“
Тендер за првата зграда од проектот „АРМ – мој вистински дом“
Министерството за одбрана денеска го публикуваше огласот за избор на градежна компанија што ќе ја гради првата станбена зграда од проектот „АРМ – мој вистински дом“ во склоп на скопската касарна „Илинден“. Станува збор за станбена зграда со подрум, приземје и четири ката, составена од еднособни, двособни и трособни станови, како и подземен гаражен простор за паркирање. Градежните работи е неопходно да завршат во рок од 12 месеци по изборот на фирма изведувач.
Од буџетот на надлежното министерство е проценето дека ќе се одвојат 105.932.203 денари за овој проект, односно над 1,7 милиони евра без вклучен ДДВ. Распределбата на станови за припадниците на АРМ ќе се врши според објавениот оглас за купување на стан во лична сопственост, со кој на секој поединец му се нуди можност за отплата на станот на 240 рати и за субвенционирана каматна стапка, како и опција за 30 процентно учество од градежната цена. Министерството за одбрана во моментов ја води процедурата за добивање на одобрение за градење од Општина Карпош за овој станбен објект.
Заинтересираните градежни фирми што сакаат да бидат изведувачи на објектот треба да ги достават своите понуди најдоцна до 23 ноември, за кога е закажано и нивното јавно отворање. По изборот на најповолниот понудувач, кон крајот на декември или почетокот на јануари треба да започне изградбата на првиот станбен објект за припадниците на АРМ во касарната „Илинден“.
Бојан Блажевски
bojan.blazevski@build.com.mk
Тендер за првата зграда од проектот „АРМ – мој вистински дом“
Министерството за одбрана денеска го публикуваше огласот за избор на градежна компанија што ќе ја гради првата станбена зграда од проектот „АРМ – мој вистински дом“ во склоп на скопската касарна „Илинден“. Станува збор за станбена зграда со подрум, приземје и четири ката, составена од еднособни, двособни и трособни станови, како и подземен гаражен простор за паркирање. Градежните работи е неопходно да завршат во рок од 12 месеци по изборот на фирма изведувач.
Од буџетот на надлежното министерство е проценето дека ќе се одвојат 105.932.203 денари за овој проект, односно над 1,7 милиони евра без вклучен ДДВ. Распределбата на станови за припадниците на АРМ ќе се врши според објавениот оглас за купување на стан во лична сопственост, со кој на секој поединец му се нуди можност за отплата на станот на 240 рати и за субвенционирана каматна стапка, како и опција за 30 процентно учество од градежната цена. Министерството за одбрана во моментов ја води процедурата за добивање на одобрение за градење од Општина Карпош за овој станбен објект.
Заинтересираните градежни фирми што сакаат да бидат изведувачи на објектот треба да ги достават своите понуди најдоцна до 23 ноември, за кога е закажано и нивното јавно отворање. По изборот на најповолниот понудувач, кон крајот на декември или почетокот на јануари треба да започне изградбата на првиот станбен објект за припадниците на АРМ во касарната „Илинден“.
Бојан Блажевски
bojan.blazevski@build.com.mk
