Претходна статија
Косово го гради, Македонија го заборави автопатот Скопје - ПриштинаСледна статија
Отворена изложба на современата полска архитектура
Реновирана киносала и нова опрема за Кинотека на Македонија
Кинотека на Македонија денеска го одбележа Светскиот ден на аудиовизуелното наследство на УНЕСКО со пуштање во употреба на новата дигитална опрема и реновираната киносала во објектот лоциран во населбата Карпош-3. Опремувањето на киното со дигитален проектор ќе овозможи соодветна презентација на филмови и на аудиовизуелен материјал што Кинотеката го дигитализираше во изминативе години како дел од нејзината работа за заштита на филмското наследство. Во овој проект Министерството за култура вложи 4,1 милиони денари.
* Извор на фотографии: Министерство за култура
Директорката на Кинотеката на Македонија, Мими Ѓоргоска-Илиевска посочи дека со новата дигитална опрема институцијата влегува во нова епоха на дигиталната ера на киноприкажувањето. „Дигиталните проекции нема во целост да ги заменат досега раритетните и веќе ексклузивни проекции од филмска лента, и понатаму остануваме доследни и на 35-милиметарски филмски проекции. Сепак, дигитализацијата на кинотечното кино ќе ни овозможи на публиката да и ги претставиме нашите проекти на дигитализација и дигитална реставрација кои силно говорат за националниот и културниот идентитет на Република Македонија“, рече Ѓоргоска-Илиевска.
Со реализираниот проект, во летните месеци беше реконструирана кинотечната сала, која беше отворена како целосно реконструирано кино во 2005 година. Во текот на оваа година беше избрано и идејно решение за новата музејска поставка на површина од 800 метри квадратни, со која ќе се заштитат и вреднуваат експонати од македонската кинематографија и култура. Победничкото идејно решение за конципирање на музејската поставка беше изработено од авторите Медина Гициќ и Елена Ивановска. Отворањето на поставката е предвидено за 2016 година.
Реновирана киносала и нова опрема за Кинотека на Македонија
Кинотека на Македонија денеска го одбележа Светскиот ден на аудиовизуелното наследство на УНЕСКО со пуштање во употреба на новата дигитална опрема и реновираната киносала во објектот лоциран во населбата Карпош-3. Опремувањето на киното со дигитален проектор ќе овозможи соодветна презентација на филмови и на аудиовизуелен материјал што Кинотеката го дигитализираше во изминативе години како дел од нејзината работа за заштита на филмското наследство. Во овој проект Министерството за култура вложи 4,1 милиони денари.
* Извор на фотографии: Министерство за култура
Директорката на Кинотеката на Македонија, Мими Ѓоргоска-Илиевска посочи дека со новата дигитална опрема институцијата влегува во нова епоха на дигиталната ера на киноприкажувањето. „Дигиталните проекции нема во целост да ги заменат досега раритетните и веќе ексклузивни проекции од филмска лента, и понатаму остануваме доследни и на 35-милиметарски филмски проекции. Сепак, дигитализацијата на кинотечното кино ќе ни овозможи на публиката да и ги претставиме нашите проекти на дигитализација и дигитална реставрација кои силно говорат за националниот и културниот идентитет на Република Македонија“, рече Ѓоргоска-Илиевска.
Со реализираниот проект, во летните месеци беше реконструирана кинотечната сала, која беше отворена како целосно реконструирано кино во 2005 година. Во текот на оваа година беше избрано и идејно решение за новата музејска поставка на површина од 800 метри квадратни, со која ќе се заштитат и вреднуваат експонати од македонската кинематографија и култура. Победничкото идејно решение за конципирање на музејската поставка беше изработено од авторите Медина Гициќ и Елена Ивановска. Отворањето на поставката е предвидено за 2016 година.
