Повеќе патници, помалку стока превезени од транспортерите

Македонскиот транспорт бележи раст кај превозот на патници и позначително намалување на товарниот превоз во периодот април – јуни 2015 година. Според податоците на Државниот завод за статистика, во патниот патнички превоз биле превезени 1.898.000 патници, односно за 11,3% повеќе во споредба со истиот период од минатата година. Во идентичниот период со воз биле транспортирани 205.000 патници, што претставува пораст од 7,3% во однос на вториот квартал од 2014 година. Статистичарите забележале раст од 4,7% кај бројот на патници во воздухопловниот превоз, или пресметано во бројки, услугите на аеродромите во Скопје и Охрид ги користеле 366.150 патници. Во второто тримесечје од годинава се превезени 21.270.000 патници во градско – приградскиот превоз.

Во истиот период, во споредба со второто тримесечје од 2014 година, количеството на превезената стока во товарниот патен превоз е намалено за 9,6%, драстичен пад е констатиран во железничкиот товарен превоз за 36%, додека во авиосообраќајот намалувањето изнесува 14,8%.

Бојан Блажевски

bojan.blazevski@build.com.mk