Општина Кисела Вода продава земјиште кај паркот Шопен

Локалната самоуправа од Кисела Вода објави оглас за продажба на градежно земјиште за изградба на станбена зграда, со компатибилна класа за деловни и комерцијални намени. Понудената парцела со површина од 1.079 метри квадратни се наоѓа спроти паркот Шопен и на неа може да се подигне објект со бруто развиена површина од 4.945 метри квадратни и максимална висина од 21 метри. Почетната цена на земјиштето е 4.300 денари за метар квадратен.

Заинтересираните за учествуво на електронското јавно наддавање треба да достават банкарска гаранција во износ од 20.000 евра за сериозност на понудата. Заедно со овој документ, пријавата за учество треба да се достави најдоцна до 23 март, а наддавањето е планирано да се одржи на 27 март.