Меѓународен конкурс за плоштадот во Пловдив

„One Architecture Week“ и Општина Пловдив (Бугарија) ги канат архитектите и сите заинтересирани да учествуваат во обмислувањето на иднината на централниот плоштад во Пловдив. Во дописот кој го добивме од организаторите на конкурсот за концепт дизајн се вели дека плоштадот е локација каде што се преклопуваат повеќето од значајните историски периоди на градот, а решение за нивна спокојна коегзистенција досега не е пронајдено.

Учесниците треба да предложат идеи за:

– Зачувување, експозиција и социјализација на археолошкото културно наследство
– Реорганизација на јавниот простор
– Урбана опрема, зелени површини и поплочување

Конкурсот е меѓународен и анонимен. Можат да учествуваат архитекти или тимови со најмалку еден член кој е архитект и има правен капацитет да практикува архитектонски дизајн. Рокот за доставување на трудовите е 20 јуни, а победникот ќе биде прогласен на 15 јули. Првата награда е во висина од 10 илјади евра, додека второпласираниот и третопласираниот труд ќе добијат по 5 илјади евра.

Повеќе информации можете да најдете на веб сајтот: plovdivsquare.com