Подновен Мостот на револуцијата

Заврши реконструкцијата на Мостот на револуцијата во Скопје која започна во декември минатата година. За овој период беше извршена санација на оштетените бетонски делови на надворешната страна на мостот. Оштетените пешачки патеки од двете страни беа отстранети, а подлогата беше санирана и покриена со печатен бетон. Целосна обнова претрпе и коловозот. Исто така е поставена  нова ограда изработена од ковано железо во која се монтирани 22 декоративни канделабри, додека на лаците се поставени шест рефлектори. Идејниот проект за оградата и илуминација на Мостот на револуцијата е дело на авторот Зоран Јордановски. Градежните работи ги изведуваше скопската фирма „Синтек“. Зафатот ја чинеше градската каса 27,6 милиони денари.