Утре се отвора АСК – Архитектура Скопје 2012

Утревечер (14.11.2012) во 20 часот, во Музејот на град Скопје, свечено ќе биде отворена Манифестацијата „АСК – Архитектура Скопје 2012“. Во рамки на настанот ќе бидат изложени трудовите пријавени на Конкурсот кој веќе 14-ти пат традиционално се распишува по повод празникот 13 Ноември – Денот на ослободувањето на градот, а ќе бидат доделени и овогодинешните награди за најдобрите проекти. Минатата година главната награда ја доби деловниот објект „Сан Марко“ во строгиот центар на Скопје.