Турската амбасада во Македонија наскоро во нов објект

На падините на Водно, во близина на некогашното Олимписко село, привршува изградбата на новата турска амбасада во Македонија. Објектот со приземје и два ката има вкупна површина од 3.500 метри квадратни, додека  површината на парцелата изнесува 6.500 метри квадратни. Изградбата започна на 24 октомври 2007 година, а изведувач на градежните работи е македонската подружница на турската компанија „Рена Иншаат“ (Rena İnşaat) која работи и на реконструкцијата на Мустафа-пашината џамија во Скопје.