Свеченост по повод приемот на Георги Константиновски за почесен член на МАНУ

Архитект Георги Константиновски денеска ги повика колегите од професионалната фела да се зачленат во Асоцијацијата на архитекти на Македонија (ААМ), се со цел да се подигне нивото и квалитетот на асоцијацијата. „Да делувате на свои колеги да се зачленат во асоцијацијата. Ние самите можеме да си помогнеме ако бидеме организирани“, им посочи архитект Георги Константиновски на своите колеги. ААМ во Музејот на град Скопје денеска организираше свеченост, по повод неговиот прием за почесен член на Македонската академија на науките и уметностите (МАНУ).

Од името на Архитектонската академија при ААМ, на денешната свеченост свое обраќање имаше претседателката Вера Ќосевска. Таа посочи дека Георги Константиновски низ својата професионална кариера оставил траен белег како проектант, научник и публицист. „Архитектурата е симфонија во просторот, која треба да ги исполнува окото, душата и срцето“ истакна Вера Ќосевска, цитирајќи го архитект Георги Константиновски.

„Ви се заблагодарувам за сè што направивте за архитектурата“ посочи претседателката на ААМ, Сања Раѓеновиќ-Јовановик во своето обраќање. Асоцијацијата на архитекти на Македонија на денешниот настан му врачи благодарница за сиот вложен труд на архитект Георги Константиновски.

Текст, фото:

Бојан Блажевски

bojan.blazevski@build.com.mk