Претходна статија
Ќе се дадат под концесија уште 80 локации за мали хидроелектраниСледна статија
Плоштадот „Скендербег“ ќе продолжи да се гради во јуни
Стартуваше изградбата на ТИРЗ Ранковце
Со површина од 40 хектари и можност за изградба на производствени погони на 18 градежни парцели организирани во два блока, технолошко – индустриската развојна зона во Ранковце се запиша на листата на локации во земјава во кои ќе се привлекуваат нови странски инвеститори. Премиерот Никола Груевски и вицепремиерот за економски прашања Владимир Пешевски поставија камен – темелник на новата индустриска зона, во која е предвидено да се инвестираат околу 12 милиони евра за патна, водоводна, канализациска и телекомуникациска инфраструктура.
Очекувањата се дека местоположбата на зоната ќе привлече компании што ќе вложат во изградба на фабрики. ТИРЗ Ранковце се наоѓа долж Коридорот 8, меѓу градовите Куманово и Крива Паланка, во близина на селата Гиновци, Љубинци и Ранковце, на југоисток од селото Петралица, на северозапад од селото Псача. Оддалечена е околу 40 километри од граничниот премин Деве Баир, околу 50 километри од граничниот премин Табановце и 70 километри од скопскиот аеродром, а во нејзина близина се наоѓа магистралниот пат и планираната железничка пруга кон Бугарија.
Неколку познати меѓународни компании досега инвестираа во свои фабрики во двете индустриски зони во Скопје и Штип, а најави за вложување има и во ТИРЗ Тетово. Изминативе денови беа објавени огласи за изработка на проектна документација за индустриските зони во Берово, Делчево и Виница, веќе се работи на проектот за ТИРЗ Радовиш, а во моментов се одвиваат градежни активности за изведба на инфраструктурата во ТИРЗ Струмица, Гевгелија, Прилеп и Кичево.
Стартуваше изградбата на ТИРЗ Ранковце
Со површина од 40 хектари и можност за изградба на производствени погони на 18 градежни парцели организирани во два блока, технолошко – индустриската развојна зона во Ранковце се запиша на листата на локации во земјава во кои ќе се привлекуваат нови странски инвеститори. Премиерот Никола Груевски и вицепремиерот за економски прашања Владимир Пешевски поставија камен – темелник на новата индустриска зона, во која е предвидено да се инвестираат околу 12 милиони евра за патна, водоводна, канализациска и телекомуникациска инфраструктура.
Очекувањата се дека местоположбата на зоната ќе привлече компании што ќе вложат во изградба на фабрики. ТИРЗ Ранковце се наоѓа долж Коридорот 8, меѓу градовите Куманово и Крива Паланка, во близина на селата Гиновци, Љубинци и Ранковце, на југоисток од селото Петралица, на северозапад од селото Псача. Оддалечена е околу 40 километри од граничниот премин Деве Баир, околу 50 километри од граничниот премин Табановце и 70 километри од скопскиот аеродром, а во нејзина близина се наоѓа магистралниот пат и планираната железничка пруга кон Бугарија.
Неколку познати меѓународни компании досега инвестираа во свои фабрики во двете индустриски зони во Скопје и Штип, а најави за вложување има и во ТИРЗ Тетово. Изминативе денови беа објавени огласи за изработка на проектна документација за индустриските зони во Берово, Делчево и Виница, веќе се работи на проектот за ТИРЗ Радовиш, а во моментов се одвиваат градежни активности за изведба на инфраструктурата во ТИРЗ Струмица, Гевгелија, Прилеп и Кичево.
