Претходна статија
Отворена новата фабрика на „Џонсон контролс“ во ШтипСледна статија
Гасоводот засега ќе стигне само до Штип
Скопје ќе се задолжи со 5 милиони евра за подземната сообраќајница
Советот на град Скопје усвои одлука за задолжување во висина од 5 милиони евра за изградба на планираната подземна сообраќајница на потегот од мостот „Гоце Делчев“ до булеварот „Кузман Јосифовски – Питу“. Градот ќе се задолжи преку издавање на обврзници на домашниот пазар, за што веќе е добиена согласност од Министерството за финансии. Идентична одлука за задолжување беше донесена и на крајот од јули минатата година, при што тогашната вредност на задолжувањето изнесуваше 4,8 милиони евра. Градските власти објаснуваат дека со денешниот чин е обновена ваквата одлука на советот, бидејќи претходниот тендер беше поништен. Оттаму посочуваат дека со актуелниот тендер е неопходно и да се донесе нова одлука за задолжување.
Во меѓувреме, тече рокот за доставување понуди од заинтересираните компании во однос на изградбата на овој инфраструктурен проект. Крајниот рок за доставување истекува на 20 февруари, а од Градот Скопје засега не соопштуваат колку компании досега се интересирале за подигнување на тендерската документација. Сообраќајницата е ќе биде долга 1.300 метри, од кои 900 метри е предвидено да бидат под земја, и тоа под плоштадот „Македонија“ и Кејот „13 Ноември“.
Скопје ќе се задолжи со 5 милиони евра за подземната сообраќајница
Советот на град Скопје усвои одлука за задолжување во висина од 5 милиони евра за изградба на планираната подземна сообраќајница на потегот од мостот „Гоце Делчев“ до булеварот „Кузман Јосифовски – Питу“. Градот ќе се задолжи преку издавање на обврзници на домашниот пазар, за што веќе е добиена согласност од Министерството за финансии. Идентична одлука за задолжување беше донесена и на крајот од јули минатата година, при што тогашната вредност на задолжувањето изнесуваше 4,8 милиони евра. Градските власти објаснуваат дека со денешниот чин е обновена ваквата одлука на советот, бидејќи претходниот тендер беше поништен. Оттаму посочуваат дека со актуелниот тендер е неопходно и да се донесе нова одлука за задолжување.
Во меѓувреме, тече рокот за доставување понуди од заинтересираните компании во однос на изградбата на овој инфраструктурен проект. Крајниот рок за доставување истекува на 20 февруари, а од Градот Скопје засега не соопштуваат колку компании досега се интересирале за подигнување на тендерската документација. Сообраќајницата е ќе биде долга 1.300 метри, од кои 900 метри е предвидено да бидат под земја, и тоа под плоштадот „Македонија“ и Кејот „13 Ноември“.
