Се реконструира дел од Првомајска

Започна најавуваната реконструкција на коловозот на улицатата Првомајска, на потегот од мостот на Маркова Река до фабриката „ОХИС“. Ќе се санираат вкупно 2,5 километри од сообраќајницата, додека на некои делови каде што дозволува теренот ќе се тампонира и трета лента за претекнување. Градот Скопје за овој проект од буџетот ќе издвои 14,5 милиони денари. Изведувач на градежните работи е „Хулуси комерц“ од Куманово, а рокот за завршување е 1 септември. Градоначалникот Трајановски изјави дека се работи на подготовка и на проектот за проширување на улицата на ниво на булеварско решение по целата должина, но минатата година од Градот уверуваа дека веќе се привршува со изработката на проектната документација за тој зафат. Распишување на тендер за избор на изведувач беше најавено за почетокот на годинава, а градежните работи требаше да почнат со завршување на зимата.

Форумска дискусија за овој проект » овде