Претходна статија
„Чебрен“ и „Галиште“ повторно се нудат на странски инвеститориСледна статија
Природниот гас протече низ Струмица
Се модернизира пругата на Коридорот 10
На железничката станица во Куманово денеска официјално беше означен почетокот на градежните работи за ремонт на пругата на делниците Куманово – Табановце и Миравци – Смоквица, во вкупна должина од 24,1 километар. Со ова стартуваше проектот за модернизација на железничкиот Коридор 10 во земјава, кој во втората фаза ќе ја опфати и делницата Ногаевци – Неготино, во должина од 31 километар и за кој од Европската банка за обнова и развој (ЕБОР) е обезбеден кредит во висина од 17,6 милиони евра.
Градежните работи треба да завршат во рок од една година, а ќе ги изведува германскиот конзорциум „Вибе и Алпине“ (Wiebe & Alpine). Активностите ќе опфатат санација на долниот строј на пругата и поставување на геотекстил и геомрежа, подобрување на техничките карактеристики на горниот строј на пругата преку замена на трулите дрвени прагови со нови армирано – бетонски како и замена на шините и положување нов толчаник. Исто така, со проектот е предвидена обнова на горниот строј на девет патни премини во ниво и поставување на нови армирано – бетонски перони на неколку железнички стојалишта. Реконструкцијата во пракса ќе значи и побрзо движење на возовите, односно постигнување на брзини до 120 километри на час на овие делници.
Се модернизира пругата на Коридорот 10
На железничката станица во Куманово денеска официјално беше означен почетокот на градежните работи за ремонт на пругата на делниците Куманово – Табановце и Миравци – Смоквица, во вкупна должина од 24,1 километар. Со ова стартуваше проектот за модернизација на железничкиот Коридор 10 во земјава, кој во втората фаза ќе ја опфати и делницата Ногаевци – Неготино, во должина од 31 километар и за кој од Европската банка за обнова и развој (ЕБОР) е обезбеден кредит во висина од 17,6 милиони евра.
Градежните работи треба да завршат во рок од една година, а ќе ги изведува германскиот конзорциум „Вибе и Алпине“ (Wiebe & Alpine). Активностите ќе опфатат санација на долниот строј на пругата и поставување на геотекстил и геомрежа, подобрување на техничките карактеристики на горниот строј на пругата преку замена на трулите дрвени прагови со нови армирано – бетонски како и замена на шините и положување нов толчаник. Исто така, со проектот е предвидена обнова на горниот строј на девет патни премини во ниво и поставување на нови армирано – бетонски перони на неколку железнички стојалишта. Реконструкцијата во пракса ќе значи и побрзо движење на возовите, односно постигнување на брзини до 120 километри на час на овие делници.
