Претходна статија
Отворено новото МНРСледна статија
Се бара идејно решение за уште една владина зграда на улицата „Македонија“
Сарај конечно поврзан со нов мост
Од денеска е отворен за сообраќај новоизградениот мост на реката Вардар, кој ги поврзува општините Ѓорче Петров и Сарај [»мапа]. Се работи за армирано – бетонски мост, со вкупна должина од 50 метри, во три распони, со коловоз кој има по една сообраќајна лента во двете насоки (со ширина од по 3,5 метри), а од едната страна има велосипедска патека (со ширина од 2,5 метри) и пешачка патека (со ширина од еден метар). Новиот инфраструктурен објект е поставен на растојание од 1,5 метри од стариот „железен“ мост кој датира од 1945 година и е паралелен со него.
Изведбениот проект за новиот мост го изработи „Прима инженеринг“. Камен темелник беше поставен на 02.06.2011, а на изградбата работеа екипи на градежната компанија „Гранит“. Висината на инвестицијата изнесува 96,8 милиони денари, односно околу 1,57 милиони евра, средства кои беа заеднички обезбедени од Градот Скопје, Општината Сарај и од Владата на Република Македонија. Во рамките на проектот беа асфалтирани и пристапните улици кон мостот, во должина од неколку стотини метри.
Сарај конечно поврзан со нов мост
Од денеска е отворен за сообраќај новоизградениот мост на реката Вардар, кој ги поврзува општините Ѓорче Петров и Сарај [»мапа]. Се работи за армирано – бетонски мост, со вкупна должина од 50 метри, во три распони, со коловоз кој има по една сообраќајна лента во двете насоки (со ширина од по 3,5 метри), а од едната страна има велосипедска патека (со ширина од 2,5 метри) и пешачка патека (со ширина од еден метар). Новиот инфраструктурен објект е поставен на растојание од 1,5 метри од стариот „железен“ мост кој датира од 1945 година и е паралелен со него.
Изведбениот проект за новиот мост го изработи „Прима инженеринг“. Камен темелник беше поставен на 02.06.2011, а на изградбата работеа екипи на градежната компанија „Гранит“. Висината на инвестицијата изнесува 96,8 милиони денари, односно околу 1,57 милиони евра, средства кои беа заеднички обезбедени од Градот Скопје, Општината Сарај и од Владата на Република Македонија. Во рамките на проектот беа асфалтирани и пристапните улици кон мостот, во должина од неколку стотини метри.
