Реконструирана и надградена битолската универзитетска библиотека

Министерката за култура Елизабета Канческа – Милевска и битолскиот градоначалник Владимир Талески денеска го пуштија во употреба реконструираниоѕ и надграден објект на универзитетската библиотека „Св. Климент Охридски“ во Битола. Со финансиски средства во висина од над 30,5 милиони денари обезбедени од Министерството за култура, реализирана е надградбата, како и реставрацијата на фасадата на стариот дел од објектот.

Битолската библиотека со овој зафат се стекна со површина од 500 метри квадратни, простории кои се наменети за читални, оддели за преслушување на музички изданија, како и дел за одржување на семинари, трибини и други манифестации. Со заокружувањето на проектот, се очекува драстично подобрување на условите за студирање на битолските студенти, но и на сите граѓани кои ја посетуваат универзитетската библиотека.