Пуштен во употреба реконструираниот „Северен булевар“ во Кавадарци

Општина Кавадарци го реализираше проектот за реконструкција на дел од „Северниот булевар“. Кавадаречкиот градоначалник Митко Јанчев објасни дека со овој проект е реконструирана сообраќајницата која ги спојува влезовите во Кавадарци од правец на Неготино и од правец на Росоман. Во оваа фаза е извршена санација на коловозот во должина од 450 метри, на потегот од спојот на северен со западен булевар до раскрсницата со булеварот „Никола Минчев“.

*Извор на фотографија: Општина Кавадарци

Градежните работи во изминативе два и пол месеци ги изведуваше кавадаречката фирма „Градба промет“. Проектот за реконструкција на „Северниот булевар“ е реализиран со средства на општината и на Вардарскиот плански регион во износ од 8.526.000 денари.