Претходна статија
И постојната влада ќе се обиде да пронајде приватен партнер за гасификација на општинитеСледна статија
Од Ohrid SOS повторно предупредуваат дека Охрид може да се најде на Листата на светско наследство во опасност
Продолжуваат партиските препукувања околу изградбата на скопскиот Клинички центар
Власта и опозицијата продолжуваат со партиските препукувања по изборот на локацијата Веле Поле во општина Ѓорче Петров за изградба на новиот Универзитетски клинички центар во Скопје. Од опозициската партија ВМРО – ДПМНЕ велат дека власта лаже кога вели дека ќе изгради нов Клинички центар. „Доколку СДСМ не го прекинеше проектот за изградба на ВМРО – ДПМНЕ до сега истиот ќе беше до половина реализиран, а неговото пуштање во употреба ќе беше за две години од сега. Поради СДСМ се ова е прекинато и нов Клинички нема, а тешко дека во догледно време и ќе има“, обвинуваат од ВМРО – ДПМНЕ.
Од владејачката партија СДСМ денеска повторно велат дека претходниот проект за изградба на здравствениот комплекс во кругот на постојниот Клинички центар „Мајка Тереза“ бил со потпишан договор за градење, а без притоа да биде издадено одобрение за градба. Проектот што бил изработен за новата клиничка зграда останал без градежна дозвола, поради тоа што бил одбиен од Министерството за транспорт и врски. „Вистина е дека конкретниот проект не предвидувал целосен Клинички центар, односно предвидувал само дел од одделите да бидат лоцирани во новата зграда, а на пример Хируршкиот центар каде е всушност најголемиот товар на цела инвестиција да остане надвор од новата зграда“, велат од СДСМ.
Идниот здравствен комплекс во Скопје е предвидено да чини околу 480 милиони евра, при што за неговата изградба ќе се искористи државно неизградено земјиште со површина од 90 хектари. Владата веќе ѝ даде препорака на општина Ѓорче Петров да отпочне со изработка на урбанистичката документација за новиот Клинички центар.
Продолжуваат партиските препукувања околу изградбата на скопскиот Клинички центар
Власта и опозицијата продолжуваат со партиските препукувања по изборот на локацијата Веле Поле во општина Ѓорче Петров за изградба на новиот Универзитетски клинички центар во Скопје. Од опозициската партија ВМРО – ДПМНЕ велат дека власта лаже кога вели дека ќе изгради нов Клинички центар. „Доколку СДСМ не го прекинеше проектот за изградба на ВМРО – ДПМНЕ до сега истиот ќе беше до половина реализиран, а неговото пуштање во употреба ќе беше за две години од сега. Поради СДСМ се ова е прекинато и нов Клинички нема, а тешко дека во догледно време и ќе има“, обвинуваат од ВМРО – ДПМНЕ.
Од владејачката партија СДСМ денеска повторно велат дека претходниот проект за изградба на здравствениот комплекс во кругот на постојниот Клинички центар „Мајка Тереза“ бил со потпишан договор за градење, а без притоа да биде издадено одобрение за градба. Проектот што бил изработен за новата клиничка зграда останал без градежна дозвола, поради тоа што бил одбиен од Министерството за транспорт и врски. „Вистина е дека конкретниот проект не предвидувал целосен Клинички центар, односно предвидувал само дел од одделите да бидат лоцирани во новата зграда, а на пример Хируршкиот центар каде е всушност најголемиот товар на цела инвестиција да остане надвор од новата зграда“, велат од СДСМ.
Идниот здравствен комплекс во Скопје е предвидено да чини околу 480 милиони евра, при што за неговата изградба ќе се искористи државно неизградено земјиште со површина од 90 хектари. Владата веќе ѝ даде препорака на општина Ѓорче Петров да отпочне со изработка на урбанистичката документација за новиот Клинички центар.
