Предавање на Дамјан Кокалевски на Архитектонскиот факултет

Македонскиот архитект Дамјан Кокалевски утре (30 октомври), со почеток од 19 часот, ќе одржи предавање на Архитектонскиот факултет при УКИМ на темата „Performing the archive: Skopje. From the ruins of the city of the future“. Како што информираат од Архитектонскиот факултет, предавањето е во рамките на програмата „Талент“, која што во претстојниот зимски семестар опфаќа серијал од настани на коишто ќе бидат претставени младите автори. Настанот ќе се одржи на скверот на Архитектонскиот факултет.