Претходна статија
Градежниците задоволни од економската и финансиската состојба во првото тримесечјеСледна статија
Продолжува изградбата на 100 тениски игралишта
Пречистителната станица во Гевгелија ќе почне да се гради во јуни
Швајцарската компанија „Фела Планунгс АГ“ (Fela Planungs AG) и грчкиот конзорциум „Месогеос“ (Mesogeos) ќе бидат изведувачи на пречистителната станица за отпадни води во Гевгелија. Проектот за заштита на животната средина во вредност од 9,6 милиони евра ќе започне со реализација во јуни годинава, по потпишувањето на официјалниот договор помеѓу инвеститорите и изведувачите на работите. Во делот на изградбата на пречистителната станица како прва фаза од проектот, работите ќе ги изведува швајцарската „Фела Планунгс АГ“ преку обезбедените финансиски средства од Швајцарската агенција за развој.
Втората фаза од проектот ќе ја изведува грчкиот конзорциум „Месогеос“, а финансиите за овој сегмент од проектот ја обезбеди грчката влада. Во рамките на овој дел ќе се изградат внатрешните сообраќајници во станицата, административните простории и линијата за обработка на милот во рамките на пречистителната станица. Третата етапа од овој обемен проект ја реализира македонската страна со изградбата на пристапен пат и мост преку реката Коњска што ќе води до самиот објект. Македонската влада ќе го финансира овој сегмент од проектот, а скопски „Гранит“ беше избран за изведувач на работите уште во текот на мај 2013 година.
Пречистителната станица во Гевгелија ќе почне да се гради во јуни
Швајцарската компанија „Фела Планунгс АГ“ (Fela Planungs AG) и грчкиот конзорциум „Месогеос“ (Mesogeos) ќе бидат изведувачи на пречистителната станица за отпадни води во Гевгелија. Проектот за заштита на животната средина во вредност од 9,6 милиони евра ќе започне со реализација во јуни годинава, по потпишувањето на официјалниот договор помеѓу инвеститорите и изведувачите на работите. Во делот на изградбата на пречистителната станица како прва фаза од проектот, работите ќе ги изведува швајцарската „Фела Планунгс АГ“ преку обезбедените финансиски средства од Швајцарската агенција за развој.
Втората фаза од проектот ќе ја изведува грчкиот конзорциум „Месогеос“, а финансиите за овој сегмент од проектот ја обезбеди грчката влада. Во рамките на овој дел ќе се изградат внатрешните сообраќајници во станицата, административните простории и линијата за обработка на милот во рамките на пречистителната станица. Третата етапа од овој обемен проект ја реализира македонската страна со изградбата на пристапен пат и мост преку реката Коњска што ќе води до самиот објект. Македонската влада ќе го финансира овој сегмент од проектот, а скопски „Гранит“ беше избран за изведувач на работите уште во текот на мај 2013 година.
