Претходна статија
Ред во јавниот превоз со новиот систем за електронска наплатаСледна статија
Основниот проект за Универзална сала добива втора шанса
Пет нови инвеститори купија земјиште во Илинден
На последното електронско јавно наддавање на градежно земјиште на територијата на општина Илинден беа продадени шест градежни парцели за изградба на нови индустриски објекти. Локалната самоуправа денеска информираше дека три домашни и две странски компании ќе инвестираат во локалните економски зони: „МАН импортер“ и „Атлантиц траде“ од Хрватска, како и домашните „Мобико“, „Кам фуд“ и „Тотал логистик“ се стекнаа со локации на кои ќе ги градат своите стопански објекти.
„Атлантиц траде“ ќе гради дистрибутивно – логистички центар, во кој покрај магацинскиот, предвиден и деловен простор. Целата инвестиција во вредност од 2 милиони евра ќе обезбеди 100 нови работни места. Идентична висина на инвестиција и број на вработувања ветува и „МАН импортер“, кој ќе гради продажно – сервисен центар. Домашната „Тотал логистик“ купи две локации, од кои на едната ќе се наоѓа фабрика за производство на кондиторски производи, а на другата дистрибутивно – логистички центар. Вкупната инвестиција изнесува 3 милиони евра, со што ќе бидат отворени 150 работни места.
Македонската компанија „Кам фуд“ на територијата на општина Илинден ќе гради логистичко – дистрибутивен центар, како и простории за нивната дирекција, во кои ќе вложат 2 милиони евра и ќе креираат 150 работни места. „Мобико“, која се занимава со услуги во делот на информатичката технологија, во својот нов објект ќе инвестира 1 милион евра и ќе вработи 10 лица. Од локалната самоуправа очекуваат дека новите инвеститори ќе придонесат за брз и одржлив локален економски развој.
Пет нови инвеститори купија земјиште во Илинден
На последното електронско јавно наддавање на градежно земјиште на територијата на општина Илинден беа продадени шест градежни парцели за изградба на нови индустриски објекти. Локалната самоуправа денеска информираше дека три домашни и две странски компании ќе инвестираат во локалните економски зони: „МАН импортер“ и „Атлантиц траде“ од Хрватска, како и домашните „Мобико“, „Кам фуд“ и „Тотал логистик“ се стекнаа со локации на кои ќе ги градат своите стопански објекти.
„Атлантиц траде“ ќе гради дистрибутивно – логистички центар, во кој покрај магацинскиот, предвиден и деловен простор. Целата инвестиција во вредност од 2 милиони евра ќе обезбеди 100 нови работни места. Идентична висина на инвестиција и број на вработувања ветува и „МАН импортер“, кој ќе гради продажно – сервисен центар. Домашната „Тотал логистик“ купи две локации, од кои на едната ќе се наоѓа фабрика за производство на кондиторски производи, а на другата дистрибутивно – логистички центар. Вкупната инвестиција изнесува 3 милиони евра, со што ќе бидат отворени 150 работни места.
Македонската компанија „Кам фуд“ на територијата на општина Илинден ќе гради логистичко – дистрибутивен центар, како и простории за нивната дирекција, во кои ќе вложат 2 милиони евра и ќе креираат 150 работни места. „Мобико“, која се занимава со услуги во делот на информатичката технологија, во својот нов објект ќе инвестира 1 милион евра и ќе вработи 10 лица. Од локалната самоуправа очекуваат дека новите инвеститори ќе придонесат за брз и одржлив локален економски развој.
