Пехчево ќе работи на нов Генерален урбанистички план

Локалната самоуправа од Пехчево распиша оглас за изработка на нов Генерален урбанистички план за овој град од источна Македонија. На урбанистичката документација е предвидено да се работи во период од 12 месеци, за што од локалниот буџет е проценето дека ќе се  потрошат околу 25 илјади евра. Понуди до Општината можат да се доставуваат најдоцна до 31 август, за кога е закажано и нивното јавно отворање. Изготвувањето на Генералниот урбанистички план треба да придонесе за натамошен развој на градот во претстојните децении, вклучувајќи ја и изградбата на новата градска населба. Во Пехчево во моментов живеат околу 3.200 жители.