Паркот „Аеродром“ од денеска и официјално отворен за посетители

Новиот парк кој се простира на 35.000 метри квадратни покрај кејот на Вардар во Ново Лисиче, денеска официјално беше отворен од страна на градоначалниците на Град Скопје и на Општина Аеродром, Коце Трајановски и Ивица Коневски. Централно место во паркот имаат двете импровизирани писти и школката на авионот „Lockheed T-33“. Од Општината очекуваат двата шанка изградени покрај пистата, како и бесплатниот интернет, да придонесат за поголема посетеност на новоуредениот простор. Изградбата траеше околу една година, градежните работи ги изведуваше фирмата „Новиком-конструктор“, а финансиите во висина од околу 600 илјади евра се издвоени од буџетот на Општина Аеродром.

» Форумска дискусија за овој проект