Претходна статија
„Жикол“ ќе го гради новиот Воспитно - поправен дом во ТетовоСледна статија
Прескапи понуди за изградба на подземната сообраќајница под плоштад „Македонија“
Основците од Вевчани ќе ја започнат наставата во ново училиште
Една година подоцна од предвиденото, министерот за образование и наука Спиро Ристовски денеска го пушти во употреба новото основно училиште „Страшо Пинџур“ во Вевчани. Образовниот објект се простира на површина од 2.450 метри квадратни и е изграден во согласност со традиционалната вевчанска архитектура. Во значајниот проект за оваа општина се инвестирани 65 милиони денари или над милион евра од државниот буџет и од донација на државната компанија МЕПСО. Зданието има капацитет да прими преку 600 ученици, а плановите предвидуваат од наредната година во него да функционираат и две паралелки за средно образование. Покрај училници и кабинети за следење на наставата, во рамките на новото училиште ќе бидат сместени библиотека, просторија за фолклорна и ликовна секција, трпезарија и млечен ресторан.
„При изработката на проектот, се водеше внимание училиштето да ги задоволи сите критериуми и стандарди за квалитет, но и да се вклопува во околината. Така денеска стоиме пред зграда која има традиционален македонски стил, карактеристичен за Вевчани и целосно одговара на амбиентот на ова живописно место“ , изјави министерот Спиро Ристовски. Во изминатите седум години, младите жители на општина Вевчани немаа достоен објект за изведување на образовниот процес.
Основците од Вевчани ќе ја започнат наставата во ново училиште
Една година подоцна од предвиденото, министерот за образование и наука Спиро Ристовски денеска го пушти во употреба новото основно училиште „Страшо Пинџур“ во Вевчани. Образовниот објект се простира на површина од 2.450 метри квадратни и е изграден во согласност со традиционалната вевчанска архитектура. Во значајниот проект за оваа општина се инвестирани 65 милиони денари или над милион евра од државниот буџет и од донација на државната компанија МЕПСО. Зданието има капацитет да прими преку 600 ученици, а плановите предвидуваат од наредната година во него да функционираат и две паралелки за средно образование. Покрај училници и кабинети за следење на наставата, во рамките на новото училиште ќе бидат сместени библиотека, просторија за фолклорна и ликовна секција, трпезарија и млечен ресторан.
„При изработката на проектот, се водеше внимание училиштето да ги задоволи сите критериуми и стандарди за квалитет, но и да се вклопува во околината. Така денеска стоиме пред зграда која има традиционален македонски стил, карактеристичен за Вевчани и целосно одговара на амбиентот на ова живописно место“ , изјави министерот Спиро Ристовски. Во изминатите седум години, младите жители на општина Вевчани немаа достоен објект за изведување на образовниот процес.
