Претходна статија
БЛИЦ ВЕСТ: Вонредно собрание на ААМСледна статија
AAM Изјава за проектот „Скопје 2014“
Одржано вонредното собрание на ААМ
На вечерашното вонредно собрание на ААМ (Асоцијација на архитекти на Македонија) присутните акламативно застанаа зад ставовите изнесени во изјавата која ја прочита новата претседателка на асоцијацијата, Даница Павловска, а кои биле подготвени врз основа на реакциите на членовите по повод проектот „Скопје 2014“. Павловска нагласи дека собранието е една од првите нивни активности кои треба да означат транспарентност и отвореност, а целта не е да се напаѓа, туку да се отвори процес на договарање. Таа изрази жалење бидејќи стручната јавност не била доволно информирана и инволвирана, и апелираше за зачестени тематски стручни средби.
Професорот Михаил Токарев, кој беше модератор на дебатата истакна дека „Скопје 2014“ не добил ниту едно позитивно мислење од светските авторитети во архитектурата.
-Архитектурата сега се враќа назад во почетокот на 19-от век кога од страна на академиите на архитектура беа диктирани стиловите за тоа какви ќе бидат државните објекти, училиштата, управните згради. На таков начин се враќаме назад дури и техничките згради како што се катните гаражи да имаат стил, па дури и непостоечки каков што е неоромантизмот – изјави Токарев
На собранието, иако поканети, не присуствуваа претставници на Министерството за транспорт и врски, градоначалниците на Град Скопје и Општина Центар, како и други инволвирани во проектот. Од собирот ќе биде упатено отворено писмо до нарачателот и творците на „Скопје 2014“.
Одржано вонредното собрание на ААМ
На вечерашното вонредно собрание на ААМ (Асоцијација на архитекти на Македонија) присутните акламативно застанаа зад ставовите изнесени во изјавата која ја прочита новата претседателка на асоцијацијата, Даница Павловска, а кои биле подготвени врз основа на реакциите на членовите по повод проектот „Скопје 2014“. Павловска нагласи дека собранието е една од првите нивни активности кои треба да означат транспарентност и отвореност, а целта не е да се напаѓа, туку да се отвори процес на договарање. Таа изрази жалење бидејќи стручната јавност не била доволно информирана и инволвирана, и апелираше за зачестени тематски стручни средби.
Професорот Михаил Токарев, кој беше модератор на дебатата истакна дека „Скопје 2014“ не добил ниту едно позитивно мислење од светските авторитети во архитектурата.
-Архитектурата сега се враќа назад во почетокот на 19-от век кога од страна на академиите на архитектура беа диктирани стиловите за тоа какви ќе бидат државните објекти, училиштата, управните згради. На таков начин се враќаме назад дури и техничките згради како што се катните гаражи да имаат стил, па дури и непостоечки каков што е неоромантизмот – изјави Токарев
На собранието, иако поканети, не присуствуваа претставници на Министерството за транспорт и врски, градоначалниците на Град Скопје и Општина Центар, како и други инволвирани во проектот. Од собирот ќе биде упатено отворено писмо до нарачателот и творците на „Скопје 2014“.
