Претходна статија
Модернизираната ХЕ „Вруток“ годишно ќе произведува 50 GWh повеќеСледна статија
И Радовиш ќе добие слободна економска зона
Наскоро обнова на 10 железнички станици
Европската комисија, која ја финансира реконструкцијата на 10 железнички станици во Македонија долж пан – европските коридори 10 и 10Д, денеска на својата интернет страница објави оглас за заинтересирани изведувачи кои би го реализирале зафатот. Целта на проектот е подобрување на целокупниот квалитет на услугите за патниците и карго – превозот, зголемувајќи ги техничките стандарди и капацитети на опфатените 10 станици: Велес, Прилеп, Битола, Гевгелија, Богомила, Чашка, Табановце, Демир Капија, Градско и Неготино – Вардар. Краен рок за поднесување на понудите е до 30 септември.
Предвидено е реновирање и надоградба на сите главни елементи на железничките станици, како што се водоводната и електричната инсталација, вклучувајќи ги и внатрешното и надворешното осветлување, санитариите, инсталација на системи за греење и ладење, системи за противпожарна заштита, патнички информативен систем, како и подобрување на пристапноста за товарен транспорт и достапност и поврзување со патниот транспорт (јавен и индивидуален). Посебно внимание при реализирањето на овој проект ќе се обрати на подобрувањето на пристапноста за лицата со намалена подвижност.
Исто така е предвидено да бидат целосно заменети крововите и подовите, ќе се санираат фасадите и внатрешните ѕидови, ќе биде поставена нова термичка изолација и ќе се изградат нови тоалети кои ќе бидат посебно оспособени за користење и од страна на инвалидизирани лица. На платото пред влезот во железничките станици од страна на улицата се предвидува рампа за непречен пристап, а поради сигурност платото е предвидено да се поплочува со тактилна предупредувачка лента по рабовите. Со оглед на моменталната катастрофална состојба во која се наоѓаат помалку или повеќе сите железнички станици во државата, овој проект е повеќе од потребен.
Наскоро обнова на 10 железнички станици
Европската комисија, која ја финансира реконструкцијата на 10 железнички станици во Македонија долж пан – европските коридори 10 и 10Д, денеска на својата интернет страница објави оглас за заинтересирани изведувачи кои би го реализирале зафатот. Целта на проектот е подобрување на целокупниот квалитет на услугите за патниците и карго – превозот, зголемувајќи ги техничките стандарди и капацитети на опфатените 10 станици: Велес, Прилеп, Битола, Гевгелија, Богомила, Чашка, Табановце, Демир Капија, Градско и Неготино – Вардар. Краен рок за поднесување на понудите е до 30 септември.
Предвидено е реновирање и надоградба на сите главни елементи на железничките станици, како што се водоводната и електричната инсталација, вклучувајќи ги и внатрешното и надворешното осветлување, санитариите, инсталација на системи за греење и ладење, системи за противпожарна заштита, патнички информативен систем, како и подобрување на пристапноста за товарен транспорт и достапност и поврзување со патниот транспорт (јавен и индивидуален). Посебно внимание при реализирањето на овој проект ќе се обрати на подобрувањето на пристапноста за лицата со намалена подвижност.
Исто така е предвидено да бидат целосно заменети крововите и подовите, ќе се санираат фасадите и внатрешните ѕидови, ќе биде поставена нова термичка изолација и ќе се изградат нови тоалети кои ќе бидат посебно оспособени за користење и од страна на инвалидизирани лица. На платото пред влезот во железничките станици од страна на улицата се предвидува рампа за непречен пристап, а поради сигурност платото е предвидено да се поплочува со тактилна предупредувачка лента по рабовите. Со оглед на моменталната катастрофална состојба во која се наоѓаат помалку или повеќе сите железнички станици во државата, овој проект е повеќе од потребен.
