Милион евра за зградата на Министерството за финансии во Струмица

Објектот на Министерството за финансии во центарот на Струмица ќе биде подложен на санација и реконструкцја, за што се одвоени финансиски средства од државниот буџет во висина од 64.900.000 денари. Во претстојните девет месеци ќе се изведуваат градежни, градежно – занаетчиски, електро, машински и инсталатерски работи. Истовремено, „Бауер БГ“, како изведувач на проектот, ќе треба да го реализира внатрешното, надворешното и партерното уредување на објектот, во согласност со изготвениот основен проект. Министерството во моментов во градот е сместено во објект што е дел од струмичката касарна. Планираниот објект за реконструкција во централното градско подрачје всушност е поранешната полициска станица, која веќе неколку години како напуштена зграда се распаѓа.