Претходна статија
Повторна објава за продажба на градежни парцели во битолската касарнаСледна статија
„Гранит“ ќе ја гради новата зграда за идните актери покрај Вардар
Македонските инфраструктурни проекти на удар од европските еколози
Еминентни европски еколошки организации ја критикуваат изградбата на автопатската делница од Смоквица до Демир Капија и хидроелектраната „Бошков мост“ во националниот парк „Маврово“. Инфраструктурните проекти финансирани од европските фондови ќе го загрозат ендемичниот биодиверзитет, констатираат од „Friends of the Earth“, „Euronatur“, „Plantlife“ и од „Internation Union for Conservation of Nature“.
„Автопатот долг 32 километри помеѓу Смоквица и Демир Капија ќе се гради во чиста пошумена област и ќе минува во близина на Демиркаписката клисура , богата со многу ендемични и ретки растителни и животински видови. Клисурата е еден од најбогатите орнитолошки резервати во Европа, а проектот ќе оштети многу живеалишта и еколошки коридори, вклучувајќи го и миграцискиот коридор на кафеавата мечка. Напорите за обнова се двосмислени и не гарантираат соодветен надомест“, се наведува во извештајот на „Friends of the Earth“ и „Bankwatch“. Истражувањето за штетните проекти по животната средина, финансирани со европски пари, анализира 32 проекти во Македонија, Бугарија, Полска, Чешка, Словачка, Унгарија и Естонија.
Речиси идентичен е заклучокот на европските еколози за изградбата на хидроелектраната „Бошков мост“. „Euronatur“, „Plantlife“ и „IUCN“ констатираат дека новиот енергетски објект сериозно ќе влијае врз опстанокот на голем број загрозени видови растенија и животни, потенцирајќи го како пример балканскиот рис. „Големите инфраструктурни проекти, како што е „Бошков мост“ го намалуваат националниот парк на апсурдно ниво. Од една страна, Македонија бара членство во ЕУ, а од друга страна покажува крајно потценување на европското конзервациско право со одобрување на вакви проекти“, се наведува во објавеното соопштение од организацијата.
„Euronatur“ бара од Европската банка за обнова и развој (ЕБРД) да го повлече ветениот кредит за изградба на овој енергетски објект и напоменува дека локалното население нема да види никаков бенефит од проектот. Наспроти хидроелектраната, еколозите предложуваат алтернативни начини за развој, како што е промоција на локалните производи и унапредување на одржливиот туризам кој ќе создаде нови работни места и ќе го надополни позитивниот имиџ на националниот парк „Маврово“.
Бојан Блажевски
Македонските инфраструктурни проекти на удар од европските еколози
Еминентни европски еколошки организации ја критикуваат изградбата на автопатската делница од Смоквица до Демир Капија и хидроелектраната „Бошков мост“ во националниот парк „Маврово“. Инфраструктурните проекти финансирани од европските фондови ќе го загрозат ендемичниот биодиверзитет, констатираат од „Friends of the Earth“, „Euronatur“, „Plantlife“ и од „Internation Union for Conservation of Nature“.
„Автопатот долг 32 километри помеѓу Смоквица и Демир Капија ќе се гради во чиста пошумена област и ќе минува во близина на Демиркаписката клисура , богата со многу ендемични и ретки растителни и животински видови. Клисурата е еден од најбогатите орнитолошки резервати во Европа, а проектот ќе оштети многу живеалишта и еколошки коридори, вклучувајќи го и миграцискиот коридор на кафеавата мечка. Напорите за обнова се двосмислени и не гарантираат соодветен надомест“, се наведува во извештајот на „Friends of the Earth“ и „Bankwatch“. Истражувањето за штетните проекти по животната средина, финансирани со европски пари, анализира 32 проекти во Македонија, Бугарија, Полска, Чешка, Словачка, Унгарија и Естонија.
Речиси идентичен е заклучокот на европските еколози за изградбата на хидроелектраната „Бошков мост“. „Euronatur“, „Plantlife“ и „IUCN“ констатираат дека новиот енергетски објект сериозно ќе влијае врз опстанокот на голем број загрозени видови растенија и животни, потенцирајќи го како пример балканскиот рис. „Големите инфраструктурни проекти, како што е „Бошков мост“ го намалуваат националниот парк на апсурдно ниво. Од една страна, Македонија бара членство во ЕУ, а од друга страна покажува крајно потценување на европското конзервациско право со одобрување на вакви проекти“, се наведува во објавеното соопштение од организацијата.
„Euronatur“ бара од Европската банка за обнова и развој (ЕБРД) да го повлече ветениот кредит за изградба на овој енергетски објект и напоменува дека локалното население нема да види никаков бенефит од проектот. Наспроти хидроелектраната, еколозите предложуваат алтернативни начини за развој, како што е промоција на локалните производи и унапредување на одржливиот туризам кој ќе создаде нови работни места и ќе го надополни позитивниот имиџ на националниот парк „Маврово“.
Бојан Блажевски
