Претходна статија
Значително зголемување на издадените одобренија за градбаСледна статија
Железница го објави возниот ред за 2012 година
Кој ќе го гради автопатот од Демир Капија до Смоквица?
Петнаесет странски компании се јавија на тендерот за избор на најповолен понудувач за изведување на градежните работи на автопатот од Демир Капија до Смоквица, соопшти Министерството за финансии. Интерес за извршување на градежните активности на последната неизградена автопатска делница од Коридорот 10 пројавија две грчки компании (Joint Venture JIP AVAX – Athena и AVAX), две шпански (Acciona – PST Joint Venture и OHL – Trace – OHL ZS INVALL), четири италијански (Impresa Pizzaroti I.C.G.P.A, Toto S.P.A. Construzioni Generali, Condotte – Kolin и Todini Construzioni Generali SPA), три австриски (Strabag A.G., Joint Venture Porr – Terna и Alpine BAU GMBH) две турски (MAPA Insaat ve ticaret A.S. Cengiz – TAV – MAKSOL), како и германската Hochtief Solutions AG и кинеската компанија CWE – CRI. Домашни компании не се пријавија бидејќи не можеа да ги исполнат строгите услови поставени од страна на странските финансиери на проектот.
Од заинтересираните субјекти ќе се избере компанијата што испорачала најдобра понуда за изградба на делницата, со која ќе се потпише договор за изведување на работите во првата половина на 2012 година. Доколку активностите се одвиваат според планираното, се очекува до крајот на 2016 година да се реализира долговетуваното целосно поврзување со автопат на патниот сегмент од Коридорот 10.
Трасата во должина од 28,6 километри минува по тежок терен низ бројни насипи и засеци, со два двоцевни тунели долги над еден километар, шест мостови, две клучки, пет надвозници, седум подвозници и 15 километри секундардна патна мрежа. Предвидено е автопатот да има 2+2 коловозни ленти со широчина од 3,50 метри, физички одвоени со средна лента од три метри. Тендерот за избор на најповолен понудувач беше објавен на 31 август годинава, а најголем дел од финансиската конструкција за проектот е обезбеден од страна на Европската инвестициска банка, Европската банка за обнова и развој и претпристапните фондови на ЕУ.
» Форумска дискусија за овој проект
Бојан Блажевски
Кој ќе го гради автопатот од Демир Капија до Смоквица?
Петнаесет странски компании се јавија на тендерот за избор на најповолен понудувач за изведување на градежните работи на автопатот од Демир Капија до Смоквица, соопшти Министерството за финансии. Интерес за извршување на градежните активности на последната неизградена автопатска делница од Коридорот 10 пројавија две грчки компании (Joint Venture JIP AVAX – Athena и AVAX), две шпански (Acciona – PST Joint Venture и OHL – Trace – OHL ZS INVALL), четири италијански (Impresa Pizzaroti I.C.G.P.A, Toto S.P.A. Construzioni Generali, Condotte – Kolin и Todini Construzioni Generali SPA), три австриски (Strabag A.G., Joint Venture Porr – Terna и Alpine BAU GMBH) две турски (MAPA Insaat ve ticaret A.S. Cengiz – TAV – MAKSOL), како и германската Hochtief Solutions AG и кинеската компанија CWE – CRI. Домашни компании не се пријавија бидејќи не можеа да ги исполнат строгите услови поставени од страна на странските финансиери на проектот.
Од заинтересираните субјекти ќе се избере компанијата што испорачала најдобра понуда за изградба на делницата, со која ќе се потпише договор за изведување на работите во првата половина на 2012 година. Доколку активностите се одвиваат според планираното, се очекува до крајот на 2016 година да се реализира долговетуваното целосно поврзување со автопат на патниот сегмент од Коридорот 10.
Трасата во должина од 28,6 километри минува по тежок терен низ бројни насипи и засеци, со два двоцевни тунели долги над еден километар, шест мостови, две клучки, пет надвозници, седум подвозници и 15 километри секундардна патна мрежа. Предвидено е автопатот да има 2+2 коловозни ленти со широчина од 3,50 метри, физички одвоени со средна лента од три метри. Тендерот за избор на најповолен понудувач беше објавен на 31 август годинава, а најголем дел од финансиската конструкција за проектот е обезбеден од страна на Европската инвестициска банка, Европската банка за обнова и развој и претпристапните фондови на ЕУ.
» Форумска дискусија за овој проект
Бојан Блажевски
