Ќе се реконструира градскиот пазар во Демир Хисар

Центарот за развој на Пелагонискиот плански регион инвестира околу 6,1 милион денари во реконструкцијата на градскиот пазар во Демир Хисар. Со зафатот се предвидува замена на постојните тезги, оградната и покривната конструкција на главната плоштадка, влезните порти на пазарот, електричната инсталација и санитарниот јазол. Проектот се реализира по речиси 40 години од изградбата на градскиот пазар во Демир Хисар. Градежните работи треба да се завршат до крајот на октомври годинава.

*Извор на фотографија: Општина Демир Хисар

Проектот се реализира во соработка помеѓу Општина Демир Хисар и Центарот за развој на Пелагонискиот плански регион, а реконструкцијата ја изведува охридската фирма „Бифора Инженеринг“.