Ќе се регулира реката Вардар во Полошкиот регион

Министерот за животна средина и просторно планирање Нурхан Изаири и деканот на Градежниот факултет при УКИМ Дарко Мославац денеска потпишаа договор за изработка на основен проект за регулација на реката Вардар во Полошкиот регион. За подготовка на проектната документација ќе се издвојат 2,8 милиони денари. Основниот проект треба да биде завршен во рок од четири месеци, односно најдоцна до јули годинава.

Планирано е да се регулира дел од речното корито, за да се елиминира опасноста од поплави на населените места и плодните површини во Полошкиот регион. Со зафатот ќе се стабилизира водниот режим и речните брегови, но и ќе се исчисти речниот коридор од отпад.