Изработка на проекти за изградба и реконструкција на неколку патишта

Јавното претпријатие за државни патишта бара понуди за изработка на проектна документација за реконструкција и изградба на пет магистрални и регионални патни правци во земјава. Проекти ќе се подготват за реконструкција на магистралниот пат Кочани – Делчево, регионалните патишта Делчево – Голак, Лажани – Ропотово – Црнилиште и Кривогаштани – Обршани – Воѓани, но и за изградба на патот до селото Коњарево во струмичката општина Ново Село. Од буџетот на јавното претпријатие за оваа намена се предвидени финансиски средства во висина од 46,5 милиони денари, без вклучен ДДВ. Рокот за доставување на понуди е до 3 јуни. За изготвување на проектната документација е предвиден временски период од 18 месеци.