И во Кичево се отвори индустриска зона

По повод одбележувањето на Денот на ослободувањето, викендов во Кичево беше промовирана новата индустриска зона „Ивандол 2“.  На предвиденото земјиште веќе е започната изградба на фабрика за производство на ремчиња за рачни часовници и фабрика за преработка на сточна храна, а според информациите на локалните власти на 22 локации се градат погони на мали и средни претпријатија. Засега, се очекува во новата индустриска зона да се вработат 200 лица.

Градот Кичево се наоѓа на идеална локација за инвестирање во изградба на фабрики, сместен е долж патниот и железничкиот Коридор 8, а во моментов истиот е поврзан преку магистралниот пат М – 4 (Скопје – Охрид) и железничката пруга кон Скопје – Кичево.

Бојан Блажевски