Холанѓани сакаат да градат марина во Охрид

Охрид наскоро би можел да добие марина и нови автокампови. Претставници на холандската компанија „Resort Marina Oolderhuuske“ ја искажаа својата заинтересираност за градба на неодамна одржаната средба со градоначалникот на Охрид, Александар Петрески. Како што пренесува интернет – порталот на Општина Охрид, холанѓаните се интересирале за погодни локации за изградба на марина и на специфични платформи за монтажни куќи и автокампови. Претставниците на холандската фирма биле посебно заинтересирани за неколку локации во Охрид, во близина на Студенчишки канал и потегот од Младинскиот центар до автокампот Андон Дуков.

Бојан Блажевски