БЛИЦ ВЕСТ: Почнува реализацијата на проектот „Плажи на Вардар“?

На локација во Градскиот парк во Скопје, веднаш до пешачкиот мост на Вардар, викендов се оградуваше просторот на самиот кеј на реката. Според работниците на терен, се работи на уредувањето на првата плажа на Вардар како дел од веќе најавениот проект на Град Скопје. До почетокот на jули оваа локација треба да биде уредена со лежалки, сонцебрани, тушеви и останата предвидена опрема.

Градот Скопје во март веќе распиша тендер за уредување на плажата лоцирана под театарот и музејскиот комплекс „Македонска борба“ кои се во изградба. Оваа плажа треба да се уредува според идејното решение на архитектите Бекир Адеми и Бетим Зекири.